WATTER KAMERA IS DIE BESTE VIR MY?

​

Kameras:

Fotografie is oor die algemeen 'n duur stokperdjie. Wanneer dit kom by kameras, is dit maar baie soos enigiets anders in die lewe: die duurder een is altyd die beter een - maak nie saak of dit Canon, Nikon, Sony of Fuji -maak is nie. Dus hang dit grootliks van jou begroting af! 

Canon & Nikon SA het onlangs besluit om alle ou modelle DSLR kameras van hulle rakke te verwyder, en voortaan slegs “mirrorless” kameras te verkoop. Dit beteken ongelukkig dat jou ou DSLR kamera (bv. Canon 600D of Nikon D5200 en hulle lense) slegs tweedehands iewers te vinde sal wees. Baie fotograwe verkies nog die ou DSLR kamera en die kamera en sy lense sal nog vir baie jare gebruik word.

Indien jy nou met fotografie wil begin moet jy ʼn “mirrorless” kamera koop, met sy bypassende lense (die ou DSLR lense sal nie daarop pas nie – tensy jy ʼn “adapter” koop). 

Wanneer jy ʼn nuwe kamera koop, is die belangrikste vraag: Wat is die kamera se ISO? Met ander woorde, hoeveel lig kan die kamera gee. Die beter kamera se ISO sal altyd hoër wees. 
Persoonlik, sou ek voorstel dat jy kyk na ʼn Canon R50 of M50, of as jy Nikon verkies, kyk na ʼn Z50 – ek hou baie van hulle – dit is waarde vir geld! (Nikon en sy bykomstighede is altyd duurder as Canon - vir geen spesifieke rede nie.)

(Indien jy professionele fotografie oorweeg, bly verkieslik weg van 'n Canon 2000D, 4000D of 250D en die Nikon Coolpix kamera-reeks vir spesifieke redes.)
Ek voer heelwat van die toerusting in om kostes so laag as moontlik beskikbaar te stel. Lees gerus meer hier onder.

​

Laptops:

Die meeste laptops van die laaste 5 jaar sal die nuutste sagteware (Lightroom & Photoshop) wat fotograwe daagliks gebruik kan hanteer. Maar indien jy 'n nuwe laptop wil koop, het jy spoed en spasie nodig. Kyk na 'n laptop met: 16G RAM en 1TB SSD.

As jy steeds onseker voel, kom woon my Beginners Fotografie-klas by en leen by my ʼn kamera vir die dag. Ek sal jou dan mooi wys wat jy alles nodig het vir dit wat jy spesifiek wil doen.

Vir meer info oor die Fotografie-klasse, CLICK HIER.